кучен колташ

– Тыланет, – манеш Кости, – твёрдый заданийым пуымо. От тӱлӧ – суртетым ужалена, кӱлеш гын, кучен колтена. В. Сапаев. – Тебе, – говорит Кости, – дано твёрдое задание. Не заплатишь – продадим хозяйство, если надо, вышлем тебя.

Пазар мучко коштыт, шорык коварчым кучен колтат, торгаяш пижыт, имньым погат. Б. Данилов. Ходят по базару, ощупывают овец, начинают торговаться, собирают лошадей.

Составной глагол. Основное слово:

Лотай, шогам кучен куралаш толаша. Теве келгыш пызырал колта, теве кӱзыктен колта. Я. Элексейн. Лотай держит соху, старается пахать. То надавит глубоко, то поднимет высоко.

Раманым кенета омыжо пызыралын колта. Д. Орай. Вдруг Рамана одолевает сон.

Составной глагол. Основное слово:

(Ачин) ручкам кучен шогымаштак нерен колта ыле, омса рошт почылто. Я. Ялкайн. Ачин задремал было с ручкой в руках, но резко открылась дверь.

Составной глагол. Основное слово:

Ольга Павловнан мутшым колын, Григорий Петрович чытен ыш керт, йылмыжым кучен ыш сеҥе, пелештен колтыш: – Мыланем пырчат жал огыл. С. Чавайн. Услышав слова Ольги Павловны, Григорий Петрович не выдержал, не смог сдержать свой язык, выпалил: – Мне нисколько не жалко.

Составной глагол. Основное слово:

Пӧлем омсам почын колта – пӧлем пуста. Н. Лекайн. Он распахнул дверь в комнату – комната пуста.

(Чопай:) Шинчам почын колтышым, краплям кучен, кыдал даҥыт вӱдыштӧ шогем. С. Николаев. (Чопай:) Я открыл глаза – стою по пояс в воде, держа грабли в руке.

Составной глагол. Основное слово:

Остапов тиде гана ныл шырпым иктыш кучен удырал колтыш. В. Юксерн. На этот раз Остапов чиркнул, взяв вместе четыре спички.

(Токташ) вуйжымат удырал колтыш. Я. Элексейн. Токташ даже голову почесал.

Вуйлатыше ден секретарьже кыр-гыр-гыр-йошт! удырал колтен, кидыштым пыштышт. Д. Орай. Начальник и секретарь, черкнув наспех, поставили свои подписи.

Составной глагол. Основное слово:

Йочам кид гыч кучаш держать ребёнка за руку;

йочам кидыште кучаш держать ребёнка на руках;

ручкам кучаш держать ручку.

Темирбай кадыр тоям кучен, коҥлайымалныже – кӱсле. К. Васин. Темирбай держал кривую палку, а под мышкой – гусли.

Кидыш(ке) кучаш брать в руки;

саҥгам руалтен кучаш схватиться за лоб;

ваче гыч ӧндал кучаш обнять за плечи.

– Мый огыл, а Йогор куандарен, тудлан тауштыза, – капка кылым кучыш рвезе. П. Корнилов. – Не я, а Йогор обрадовал, его благодарите, – парень взялся за ручку ворот.

Вуйым туран кучаш держать голову прямо;

кидым шеҥгеке кучаш держать руки за спиной.

Выньыкым, мончаш толмеке, шокшо вӱдыш чыкен луктын, кӱ ӱмбалан кучен лывыжтыман. Ф. Майоров. Придя в баню, следует окунуть веник в горячую воду и запарить его, подержав над камнями.

Имньым кучаш держать лошадь (при работе);

рульым кучаш держать руль;

товар кучаш йӧршӧ лияш быть годным держать топор.

Кызытрак газетым кидышкем кучен омыл. С. Чавайн. В последнее время я и в руки не брал газету.

Мераҥым кучаш ловить зайца;

колым кучаш ловить рыбу, удить;

чодыраш кайык кучаш каяш идти в лес охотиться на птиц.

Мут кайык огыл, ойлышыч – от кучо. Калыкмут. Слово не птица, высказал – не поймаешь.

Шылшым кучаш ловить беглого;

титакан еҥым кучаш задержать виновного человека;

авырен кучаш поймать, окружив.

Ворым от кучо гын, чылт шолышт пытара! К. Смирнов. Если не поймать вора, всё сворует!

Шоякым ыштымашеш кучаш поймать на лжи;

чодыра руымаштак кучаш застать во время рубки леса.

Шолыштмашешыже кучен огынал гынат, – каргаша Эчан, – (Ӧрчӧмӧйын) шолыштмыжо пале. К. Васин. Хоть мы и не поймали Эрчемея при воровстве, – спорит Эчан, – но известно что он воровал.

Мӱкшым кучаш держать пчёл;

мландым кучаш иметь землю;

кевытым кучаш содержать магазин;

квартирантым кучаш держать квартиранта.

Вольыкым кучет гын, соло, телылан ямдыле. Ю. Артамонов. Если держишь скотину, коси, заготавливай на зиму.

Йӱштӧ верыште кучаш держать в холодном месте;

нӧрепыште кучаш держать в погребе;

петырымаште кучаш держать в заключении;

суралымаште кучаш держать взаперти.

Пырче коклашке термометрым шогалтена да пырчан банкым шокшо верыште кучена. «Ботаника» Ставим термометр в зерно и подержим банку с зерном в тёплом месте.

Калыкым кучаш держать народ;

йоча-влакым пеҥгыдын кучаш держать детей в строгости.

Ме вет, пӧръеҥ-шамыч, могай улына? Коклан шот гыч лектына, мемнам кучаш кӱлеш. Ю. Артамонов. Мы ведь, мужчины, какие? Иногда выходим из нормы, нас надо держать.

Озанлыкым кучаш управлять хозяйством;

колхозым кучаш руководить колхозом;

моштен кучаш управлять умело.

– Мемнан кугыжа тыгай ушдымо, элымат кучен огеш керт, – ойлен студент. М. Сергеев. – Наш царь такой глупый, не может держать и государство, – говорил студент.

Шке изи гына – тӱням куча. Тушто. Сам маленький – держит мир.

Пӧлемым арун кучаш содержать комнату в чистоте;

озанлыкым арун кучаш держать хозяйство в порядке.

Монастырьын пашаже сита: вольыкымат ончаш кӱлеш, оралтымат арун кучыман, пумат ситарыман. А. Эрыкан. Дел у монастыря хватает: и за скотом надо ухаживать, и двор следует содержать в чистоте, и дрова нужно заготавливать.

Шкем пеҥгыдын кучаш держать себя твёрдо;

шкем шала кучаш вести себя распущенно.

Иктаж вес туныктышо тудым (Толям) класс гыч ноктен луктеш ыле, а Лидия Степановна рвезылан кузе шкем кучаш кӱлмӧ нерген лачымын умылтарыш. В. Сапаев. Другой учитель выгнал бы его из класса, а Лидия Степановна убедительно объяснила юноше, как нужно вести себя.

Воштылтышым кучаш удержать смех;

шыдым кучаш удержать злобу.

Ӱдыржын мутшо Иван Ивановичым шӱлыкаҥдыш, но тудо шинчавӱдшым кучен сеҥыш. В. Чалай. Слова дочери огорчили Ивана Ивановича, но он смог удержать свои слёзы.

Кужу ӱпым кучаш отращивать длинные волосы.

Чурийже шемалге, казакла пондашым куча, ялысе кресаньык семын ойла. К. Васин. У него лицо тёмное, держит бороду как у казака, говорит как деревенский крестьянин.

Шокшым кучаш удерживать тепло;

йӱр вӱдым кучаш задерживать дождевые воды (в почве);

пасушто лумым кучаш задерживать снег на полях;

пашаште кучаш задержать на работе.

Йӱран шыже игечын пӱяште кеч-мыняр арыкым кышкет гынат, Немдам кучен от керт. Б. Данилов. В дождливую осеннюю погоду сколько ни ставь вешняков, Немду не удержишь.

Шкат палет, райком ок кучо гын, мый первый кече гычак тушто лиям ыле. П. Корнилов. Сам знаешь, если бы не задержал райком, я с первого же дня был бы там.

Обороным кучаш держать оборону;

плацдармым кучаш держать плацдарм.

Командованийын приказше икте: кӱкшакам кучаш, боеприпасым аныклаш! В. Иванов. Приказ командования один: удержать высоту, беречь боеприпасы!

Тендам улыжат тошто йӱла гына куча: «ачана-авана тыге иленыт, мыланнат тыге илаш кӱлеш» манме почеш иледа. А. Эрыкан. Вас удерживают только старые обычаи: живёте согласно порядку «отцы-матери так жили, и нам следует жить так же».

Оксам кучаш удержать деньги.

Онтон Метрий Йыванлан пашадарым тӱрыснек ыш тӱлӧ: кочмыжлан да тамакажлан мыняр теҥгем Йыван кучылтын, иктешлен шотлыш да пашадар гыч тӱрыснек кучыш. «Ончыко» Онтон Метрий не все заработанные деньги уплатил Ивану: он подсчитал, сколько денег издержал Иван на еду и табак, и полностью удержал с заработка.

Тыныс политикым кучаш придерживаться мирной политики;

могай-гынат шонымашым кучаш держаться каких-либо взглядов.

Ялыштыда мыняр калык уло, кӧ мо паша дене ила, могай верам куча да монь – ты нерген сведениет уло? Я. Ялкайн. Сколько людей в вашей деревне, кто чем занят, какой веры придерживается и так далее – есть ли у тебя такие сведения?

Тошто илыш-йӱлам кучаш соблюдать старые обычаи.

«Кӧ пӱтым ок кучо гын, тудым, колымекыже, тамыкыш петырат», – манын ойлен бачышка. М. Шкетан. Батюшка говорил: «Кто не соблюдает пост, того после его смерти бросают в ад».

Корным кучаш держать путь;

курсым кучаш держать курс.

Поран кышам ӱшанлын куча, осал игечыштат ок йомдаре. «Ончыко» Поран уверенно идёт по следу, не теряет его даже в плохую погоду.

Тувыр почыш тасмам кучаш обшить подол платья тесьмой.

Той шергаш ок йӧрӧ гын, тувыреш кучашет тарайым налын пуэм. М. Шкетан. Если тебя не устраивает латунное колечко, куплю тебе кумач, чтобы пришить к рубашке.

Оксам шот дене кучаш пользоваться деньгами с толком, с толком расходовать деньги.

Суртышто ик вольыкат, кучаш йӧршӧ ӱзгарат уке. К. Васин. В хозяйстве нет никакой скотины, нет предметов, чтобы можно было пользоваться.

Ӱгынчыш куча (у кого-л.) икота началась.

Мыйым пуйто кучыш йӱтымужо: кылмыкта... Вошт чытырем. Сем. Николаев. Будто схватила меня лихорадка: знобит... Весь дрожу.

Жап шуэш, кыдалаш да кандашияш школ-влакын выпускникышт экзаменым кучаш тӱҥалыт. «Мар. ком.» Наступит время, выпускники средних и восьмилетних школ будут держать экзамены.

Составные глаголы:

Идиоматические выражения:

Омсам шала вуян ӱдырамаш почеш. А. Эрыкан. Дверь открывает женщина с лохматой головой.

Ӱпет шала, чуриетат весемын. З. Каткова. Волосы у тебя растрёпанные, и лицо изменилось.

Шала парчан шоло да тыгыде вондер-влак ӧрын ончен кодшыла койыт. А. Юзыкайн. Вяз с раскидистыми ветвями, мелкий кустарник остаются стоять как приворожённые.

Сравни с:

Шала сурт-влак разрозненные усадьбы.

Ял йӱк шала, шуко ярыман. М. Шкетан. Голоса селян (букв. сельские) разобщённые, многозвучные (букв. волокнистые).

Шала койышым ончыктымылан, озадымылыклан кӧра шуко эҥгек лиеда. «Мар. ком.» Из-за халатности (букв. неряшливого поведения), бесхозяйственности наносится (букв. случается) значительный урон.

Шала йоча жап беззаботное детство;

шала ушан ӱдырамаш легкомысленная женщина.

Майра – йӱаш йӧратыше шала ӱдырамаш. С. Эман. Майра – любительница выпить, беспутная женщина.

Самырык чатка пызле йыр шала мардеж пӧрдеш. Г. Чемеков. Вокруг молодой стройной рябины крутится вольный ветер.

Шала кышкаш кидать вразброс;

шала опташ сложить беспорядочно.

Каза-влак гына шала ошкылыт. В. Косоротов. Лишь козы идут вразброд.

Вакш Вӧдырын пӧрт тураште оҥа-влак шала кият. О. Тыныш. Против дома Вакш Вёдыра лежат в беспорядке (букв. вразброс) доски.

Сравни с:

– Ачатын колтымо оксатым шала ит кучылт. В. Чалай. – Деньги, присланные твоим отцом, зря (букв. беспорядочно) не трать.

Ойырлымо шотышто Никитина титакан, шкенжым шала кучен. С. Музуров. В отношении развода виновата Никитина, вела себя распутно.

Идиоматические выражения:

Пӧрт гыч лукташ вынести из дома;

пӧртйымач лукташ вынести из подполья;

вӱта гыч лукташ (вольыкым) вывести из хлева (скот).

Мый тудым йӱлышӧ танк гыч луктынам. М. Рыбаков. Я вынес его из горящего танка.

Саван вате кыдеж гыч корка дене вӱдым луктеш. А. Волков. Жена Савы из-за перегородки выносит воду в ковшике.

Помыш гыч лукташ достать из-за пазухи;

кӱсен гыч лукташ вынуть из кармана;

вӱд гыч лукташ вытащить из воды;

рок йымач лукташ достать из-под земли.

Сакар тупысо лачыжым кудаше, лаче гычше ош мераҥым лукто. С. Чавайн. Сакар снял с плеч пестерь, из пестеря вытащил белого зайца.

Соколов ӱстел гыч папкым лукто, кагаз-влакым шергаш тӱҥале. В. Иванов. Соколов достал папки из стола и стал перебирать бумаги.

Кӱтӱм лукташ выгнать стадо;

эрыкыш лукташ выпустить на свободу;

больнице гыч лукташ выписать из больницы;

петырыма гыч лукташ освободить из-под стражи;

спутникым орбитыш лукташ вывести спутник на орбиту.

Урем капкаштым комдык почын, вате-влак вольыкыштым луктыт. Д. Орай. Раскрывая настежь ворота, женщины выгоняют свою скотину.

Сай оза тыгай игечыште пийжымат тӱгӧ ок лук. С. Чавайн. Хороший хозяин в такую погоду и собаку на улицу не выпустит.

Ӱпшым лукташ испускать запах;

шокшым лукташ излучать тепло;

парым лукташ выпускать пар;

тулым лукташ извлекать огонь;

йӱкым лукташ издавать звук.

Южышт, шӧрын возын, трупкам тӱргыктат, южышт сигарке мучаш гыч чыли тулым луктыт. Н. Лекайн. Одни, лежа на боку, дымят трубками, другие излучают слабый свет кончиками сигарок.

Умшаж гыч шокшо южым луктын, ийым левыктынеже. О. Тыныш. Выпуская изо рта тёплый воздух, хочет растопить лёд.

Бригадым пашаш лукташ вывести бригаду на работу;

войскам авыралтма гыч лукташ вывести войска из окружения;

йоча-влакым тӱгӧ лукташ вывести детей на улицу;

илыш-корныш лукташ вывести на жизненный путь.

Эрла чыла калыкым уржа тӱредаш лукташ кӱлеш. М. Рыбаков. Завтра весь народ надо вывести на жатву.

Пӧлемыште кум омса: икте коридорыш луктеш, весе кухньыш наҥгая. А. Волков. В комнате три двери: одна ведёт в коридор, другая – на кухню.

Чесым лукташ выставить угощение.

Иктаж-мо кочкаш уло гын, лук, а мый пӧлемыш пурем. Н. Лекайн. Если есть что-нибудь покушать, выставь, а я пойду в комнату.

Поро ава, сийым луктын, ӱстел йыр уна-влакым пуртен шынден. В. Косоротов. Добрая мать, выставив угощения, рассадила вокруг стола гостей.

Вуйым лукташ высунуть голову;

йылмым лукташ высунуть язык.

Мланде ден кава сургалтыч, ок лий вуйым лукташат. В. Рожкин. Земля и небо содрогнулись, невозможно даже высунуть голову.

Эрай почмо окна гыч пел капшым луктын, курык велыш онча. А. Мурзашев. Эрай, высунув из окна половину своего тела, смотрит в сторону гор.

Окнам лукташ выставить окно;

омсам лукташ выставить дверь.

Вор-влак, кӱвароҥам луктын, пӧртыш пуреныт. Воры вошли в дом, вынув половицу.

Сравочым йомдаренам, окнам луктын пураш верештеш. Потерял ключ, придётся войти (в дом), выставив окно.

Нефтьым лукташ добывать нефть;

шӧртньым лукташ добывать золото;

спиртым лукташ получать спирт.

Уна, ончылнына могай кугу кӱ ора кия – тидым чыла кид дене лукмо. Й. Осмин. Вон, видишь, перед нами какая куча камней – всё это добыто руками.

Яшай теле гоч смолам, скипидарым луктеш, шӱйым ышта. С. Чавайн. Яшай всю зиму добывает смолу, скипидар, вырабатывает уголь.

Ревым лукташ вытащить репу;

кешырым лукташ убирать морковь;

миным лукташ извлечь мину.

Кум шагат жапыште Мичуш ятыр пареҥгым лукто. Н. Арбан. В течение трёх часов Мичуш выкопал много картошки.

Машинам лукташ вытащить машину;

возым лукташ вытащить воз.

Лавыраште пижын шинчыше машинам шӱдыралын лукто трактор модыш пашкарлак. В. Горохов. Застрявшую в грязи машину трактор вытащил, как игрушечную палочку.

Толашен-толашен, ушкалым лавыра гыч луктыч. Б. Данилов. С большими усилиями вытащили корову из грязи.

Терысым лукташ вывозить навоз;

пум лукташ вывозить дрова.

Колхозник-шамыч пасулаш ӱяҥдышым лукташ вашкат. М. Большаков. Колхозники спешат вывезти на поля удобрения.

– Тый, Семон изай, кушко кает? – Кордонышко пу лукташ. С. Чавайн. – Ты, дядя Семон, куда едешь? – На кордон дрова вывозить.

Списке гыч лукташ исключить из списка;

институт гыч лукташ исключить из института.

Мый тыйым паша гыч луктам, заявленийым возо. Д. Орай. Я тебя увольняю с работы, пиши заявление.

Ванькам суд деч ончыч партий гыч луктыныт. М. Шкетан. Перед судом Ваньку исключили из партии.

Оксам лукташ выпускать деньги;

сатум лукташ выпускать товары;

книгам лукташ издать книгу.

Марийланат тыгай газетым лукташ ок лий мо? К. Васин. Разве нельзя издавать такую газету и для марийцев?

Кызыт ме вес электробритвым луктына, «Эрвий» маналтеш. Ю. Артамонов. Сейчас мы выпускаем новую электробритву, называется «Эрвий».

Пунчалым лукташ вынести постановление;

законым лукташ издать закон;

приговорым лукташ вынести приговор.

Олык нерген чыла раш. Тӱшкан каҥашыме, пунчалым лукмо. В. Чалай. В отношении лугов всё ясно. Сообща обсуждено, вынесено решение.

Кузе шонет, Кырля шольо, тугай указым луктын кертыт вет? А. Волков. Как ты думаешь, брат Кырля, могут ведь издать такой указ?

Ӱчашымашым лукташ вызвать спор;

нелылыкым лукташ порождать трудности;

ӧрмашым лукташ вызвать удивление;

ӱшаным лукташ вызвать доверие;

шинчавӱдым лукташ вызвать слёзы.

Молан лач тиде муро тынар шонымашым луктеш? М. Рыбаков. Почему именно эта песня вызывает столько раздумий?

Икмыняр пуш, тыгыде толкыным луктын, вӱдӱмбалне лӱҥгалтеш. К. Васин. Несколько лодок, создавая волны, качаются на воде.

Мутым лукташ завести разговор;

йомакым лукто завёл сказку;

семым лукташ выводить мелодию;

мурым лукташ начать песню.

А икана ачаж-аважлан колхозыш пурымо нерген мутым лукто. П. Корнилов. А однажды он завёл разговор о вступлении в колхоз.

Эчан ныжылгырак тошто мурым лукто. Н. Лекайн. Эчан начал нежную старинную песню.

Ужалаш лукташ вынести на продажу;

каҥашаш лукташ вынести на обсуждение;

конкурсыш лукташ вынести на конкурс.

Тудо уто-ситым сурт гыч ок лук. П. Корнилов. Он не выносит сор из избы.

Чеверлыкше пазарышке лукташ огеш кӱл, лийже ушыжо. Калыкмут. Красота не товар для базара, был бы ум.

Чыныш лукташ привести к истине;

окмакыш лукташ оставить в дураках;

ончыко лукташ вывести вперёд;

айдемыш лукташ вывести в человека;

передовикыш лукташ вывести в передовики.

Тый мыйым воштылтышыш ит лук. М. Иванов. Ты меня не превращай в посмешище.

Тудын скрипкаже марий мурым моло мур коклаште ончыл верыш лукто. С. Чавайн. Его скрипка вывела марийскую песню на первое место среди других песен.

Айста шкенан бригадым ончыл верыш луктына. А. Асаев. Давайте выведем свою бригаду на передовое место.

Ӧрмӧ тӱсым лукташ выразить удивление;

тӱҥшӧ койышым луктеш проявляет черты упрямства.

Тудо шкенжым вольнан куча, торжа койышым луктеш. Н. Лекайн. Ведёт себя она вольно, проявляет грубости.

Сайполалан уло селтлыкшым лукташ логалеш. А. Эрыкан. Сайполе приходится показывать все свои хитрости.

Лышташым лукташ распускать листья;

нерым лукташ распускать почки.

Тудо (тополь) ужар лышташым эр шошымак луктеш. В. Иванов. Он (тополь) распускает листья ранней весной.

Уржа озым атыланен кушкеш, вашке пучым луктеш. Й. Осмин. Озимая рожь буйно разрастается, скоро пойдёт в стебель.

Оравам лукташ снять колесо,

кӧргым лукташ потрошить, вынуть потроха;

поршеньым лукташ снять поршень.

Ачый, мый вет лӱмын огыл, уто ораважым веле лукнем ыле. В. Орлов. Папа, я ведь не нарочно, хотел только лишнее колесико снять.

Печатлыме листым машинке гыч лукто, ӧрдыжкӧ пыштыш. П. Корнилов. Она сняла с машинки отпечатанный лист, отложила в сторону.

Конешне, еш илыш шотышто автор изишак чиялтен, шешкыжым торжа еҥ семын луктын. А. Волков. Конечно, в отношении семейной жизни автор переборщил немножко, сноху свою изобразил как грубого человека.

Формулым лукташ вывести формулу;

правилым лукташ вывести правила;

лӱмым лукташ выдумать прозвище.

Курым ден тул верч кредалын, луктын айдеме чакмам. В. Колумб. В вековой борьбе за огонь человек изобрёл огниво.

Тый, Ачин йолташ, оксат шагалат, сандене у «теорийым» луктынат, чын вет? Я. Ялкайн. Ты, товарищ Ачин, придумал новую «теорию», потому что у тебя мало денег, так ведь?

Нуно муныштым ырыкташ шинчыныт, игым лукнешт. Е. Янгильдин. Они сели высиживать свои яйца, хотят вывести птенцов.

Шырчык игым луктын гын, кыне ӱдаш йӧра. Пале. Если скворец вывел птенцов, пора сеять коноплю.

У урлык уржам луктыныт вывели новый сорт ржи;

шӧран урлык ушкалым лукмо выведена молочная порода скота;

биолог-влак у урлык чывым луктыныт биологи вывели новую породу куриц.

Пашам лукташ задать работу;

уто сомылым лукташ создать лишние хлопоты;

ойгым лукташ провоцировать печаль.

Тумна, толын, мыланна пашам ок лук ыле гын, очыни, шыже йӱштӧ эр утларак витара ыле. М.-Азмекей. Если бы сова, прилетев, не задала нам работы, холодное осеннее утро совсем проняло бы нас.

Корно... Корно... Могае тыште ойыртем! Мӧҥгыш толмо годым тайылан лиеш. Кайыме годым веле, курыкыш топкен, шӱртньылаш тыршалын, лакылам луктеш. В. Регеж-Горохов. Дороги... Дороги... Какие они разные. Возвращаешься домой – идёт под гору, уходишь из дома – идёт словно в гору и создаёт ухабины, чтобы ты спотыкался.

Осал койышым лукташ кӱлеш надо вытравить его нехорошие повадки;

кугешнымыжым лукташ вытравить его гордость.

Мотор Лидат деч лӱдат. Тудым изишак пӱтыралаш, аяр тӱтыражым лукташ ок лий ыле мо? М. Казаков. Боишься своей красотки Лиды? Разве нельзя было её немножко приструнить, вытравить её мутную желчь?

Азап гыч лукташ вызволить из беды;

эҥгек гыч лукташ вывести из несчастья.

Ишкылен лукташ вышибать, вышибить.

Ишкым ишке дене ишкылен луктыт. Калыкмут. Клин клином вышибают.

Кучен лукташ выводить, вывести.

Давай ушкалжым кучен луктына. Н. Лекайн. Давай выведем корову его.

Пуртен лукташ сводить, свести.

Рвезе калыкым частьыште вик мончаш пуртен луктыч. В. Микишкин. Молодых людей в части сразу сводили в баню.

Шӱдырен лукташ вытащить, вытаскивать; выволочь, выволакивать.

Мешакым шӱдырен лукташ выволочь мешок.

Составные глаголы:

Мам ойлен шӹнзет? Чего охаешь?

Ситӓ, ит ойлы, нерат линӓм. Хватит, не охай, надоел.

Йывыртен ойлаш говорить радостно;

эртыше нерген ойлаш говорить о прошлом.

Доклад деч вара погынышо-влак салам мутым ойлаш тӱҥальыч. В. Юксерн. После доклада собравшиеся начали говорить слова приветствия.

Ынде кеч-мом ыште, лийшаш паша лийын, еҥ ойла да чыла пыта. А. Юзыкайн. Хоть что теперь делай, дело сделано, люди поговорят и на этом всё кончится.

Сравни с:

Ойлаш монденам забыл сказать;

ик мутым ойлаш кӱлеш надо сказать одно слово.

Микале шыргыжале, ала-мом ойлынеже ыле, но ыш тошт. П. Корнилов. Микале улыбнулся, что-то хотел сказать, но не посмел.

Мучашлан иктьш ойлынем: творчестве – тыглай паша огыл. М. Казаков. В конце хочу сказать: творчество – непростая работа.

Сравни с:

Йомакым ойлаш рассказывать сказку;

тунемме нерген ойлаш рассказывать об учёбе.

– Теве кӧн нерген мыланем Нижний Новгородышто ойленыт. К. Васин. – Вот о ком мне рассказывали в Нижнем Новгороде!

– Чылажым ойленат мошташ ок лий, миен ужат гын веле – палет, курымлан йӧратен шындет Марий кундемым! Б. Данилов. – Обо всём невозможно рассказать, только приехав и увидев – узнаешь, навеки полюбишь Марийский край!

Сравни с:

Тений кеҥеж каникул годым бригадир тырмалаш колташ ойла. П. Корнилов. Нынче, во время летних каникул, бригадир обещает послать на боронование.

Тиде пӧртыштӧ илымыланна кок тылзылан пашадар оксам кучен кодаш ойла. И. Васильев. За наше проживание в этом доме он обещает удержать наши деньги, заработанные за два месяца.

Сравни с:

Эрласе паша нерген ойлаш обсуждать о завтрашней работе.

– Роза, пӧртыш пурена да мом ыштышашым ойлена. А. Ягельдин. – Роза, зайдём в дом и обсудим, что нам делать.

Сравни с:

Составные глаголы:

Шефлан колташ назначать в шефы;

шефыш налаш взять в шефство.

Артист-влак шеф семын шагал огыл пашам ыштат. «Мар. ком.» Артисты немало работают в качестве шефов.

Тыгодым мемнан комсомол организацийна шеф лийын, ик госпиталь дене кылым кучен. З. Каткова. В этот период наша комсомольская организация была шефом, поддерживала связь с одним госпиталем.

Шефым пагалаш уважать шефа.

Микале, шефым колышташ ямдылалтын, креслым ончалеш. А. Тимофеев. Микале, приготовившись слушать шефа, посмотрел на кресло.

Шеф моткочак шыдешкен кайыш. «Ончыко» Шеф очень рассердился.

Шеф полыш шефская помощь.

Шеф пашам кузе ышташ йӧнанрак, кузе тудым сайрак вораҥден колташ, (Зина) ок шоналте. В. Сапаев. Зина не думает, как удачнее выполнить шефскую работу, как её лучше организовать.

Оҥгеш кӱртньӧ воштыр лук кадырген, нигузеат ок вийне. И. Осмин. На кольце проволока изогнулась, искривилась, никак не выпрямляется.

Озым ужарген вийна, пушеҥгат тӱзлана. А. Эрыкан. Зеленея, озимь вытягивается, и деревья распускаются.

Олян-олян паша вийна. М. Шкетан. Постепенно работа налаживается.

Йынаш шонен, колхоз ярнен йӧрлеш, ончет, колхоз вийна, кушкеш, шарла. О. Ипай. Йынаш думал, что колхоз развалится, смотришь, колхоз крепнет, растёт и ширится.

Йолгорнем вийна Шоръялыш. А. Тимиркаев. Направилась моя тропка в Шоръялы.

Агейлан кенета йӱштын-шокшын чучын, но шкенжым тыматлын кучен, шинчаже Марина ӱмбак вийнен. П. Корнилов. Агея бросает вдруг то в холод, то в жар, но держится спокойно, взор его устремлён на Марину.

Шымлыме паша вийна налаживается научная работа.

Модмыж годым икшывын кап-кылже чоткыдемеш, вийна. «У илыш» Организм ребёнка во время игры укрепляется и развивается.

Составные глаголы:

Йолын кошташ ходить пешком;

ече дене кошташ ходить (кататься) на лыжах.

Ӧкым кошташ тӱҥалат гын, йолет муржаҥеш, ӱмырлан окшак лият. М. Шкетан. Если будешь ходить, насилуя себя, то твоя нога зарастёт неправильно, на всю жизнь хромым останешься.

Кинош кошташ ходить в кино;

театрыш кошташ посещать театр.

Факультативный предмет, от кошт гынат лиеш. Я. Ялкайн. Предмет факультативный, можно и не посещать.

Поезд дене кошташ ездить поездом;

командировкыш кошташ ездить в командировки;

тер дене кошташ ездить на санях.

Кеҥежым калык шуко коштеш, автобуслан эре торго... В. Косоротов. Летом народу ездит много, попасть в автобус трудно...

Эрыкыште кошташ быть на свободе;

сарыште кошташ находиться на войне.

Ватыжын йыдал пундаштыже коштеш. Калыкмут. У жены под каблуком находится.

Сравни с:

Почтальонлан кошташ ходить в почтальонах;

тарзыште кошташ быть батраком (ходить в батраках);

кӱтӱчылан кошташ ходить в пастухах.

Тимофеевич – комбайнерлан ятыр коштын. Ялмарий. Тимофеевич долго был комбайнером.

Юрист дек кошташ ходить к юристу;

каҥашлан кошташ обращаться за советом.

Мужаҥче дек коштын, шӱгарыш шуат. Калыкмут. Будешь (всё время) обращаться к ворожее, в могилу попадёшь.

Бульвар дене кошташ прогуливаться по бульвару.

Ужар олык покшелне ӱдыр-каче кок тӱшка дене коштыт. О. Шабдар. Посреди зелёного луга двумя группами гуляют девушки и парни.

Коктын кидпӱан кучен веле коштыда... А. Волков. Вы вдвоём только под руку прогуливаетесь...

Кид ок кошт. Рука не двигается.

Парняже туге коштеш, пуйто Веюн ушыжо вуйышто огыл, а кид чогаште. Ю. Артамонов. Его пальцы двигаются так, будто разум Вею не в голове, а в мышцах рук.

Туз дене кошташ сходить (делать ход) тузом;

ферзь дене кошташ делать ход ферзём;

дамке дене кошташ пойти дамкой.

Манеш-манеш коштеш ходят сплетни (слухи).

Ялыште тӱрлӧ шомак кошто. П. Корнилов. По деревне ползли различные разговоры.

(Рвезе) ӱдыр дене ик тылзе кошто, ӱшандарыш. С. Вишневский. Месяц парень с девушкой дружил, снискал доверие.

Очыни, тудо (Чачи) ик Сакар дене гына коштын огыл, вес таҥжат улмаш дыр? С. Чавайн. А наверное, Чачи дружила не с одним Сакаром, был и другой близкий человек?

Тыйын серышет туржалт пытен: пеленемак коштеш эре. А. Бик. Твоё письмо вконец истрепалось: всё время при мне носится.

Теве коҥгаште тул йылме веселан кошташ тӱҥале. Г. Чемеков. Вот в печи весело замелькало пламя.

Пыл лоҥгаште тышке-тушко волгенче коштеш. С. Чавайн. В облаках то здесь, то там мелькает молния.

Ӱй вӱдӱмбалне коштеш. Калыкмут. Масло плавает на поверхности воды.

Тыгыде кол-влак вӱдыштӧ коштыт. Б. Данилов. В воде плавают мелкие рыбки.

Эҥер ӱмбалне ош тӱтыра коштеш. М. Иванов. Над рекой плавает белый туман.

Самолёт дене кошташ летать самолётом.

Лудо шыжым ӱлыч коштеш – лавыртышлан. Пале. Осенью утки летают низко – к ненастью.

Тыште кишке коштын. Здесь ползала змея.

Шагат йоҥылыш коштеш. Часы ходят неправильно.

Затвор сайын коштеш. Н. Лекайн. Затвор хорошо ходит.

Шыже марте вольык шала коштеш. К. Смирнов. Скот до осени пасётся свободно.

Печыдыме пакчаште сӧсна коштеш. Калыкмут. В огороде без забора свинья пасётся.

Изи гына, йыргешке – кид гыч кидыш коштеш. Тушто. Маленькое, круглое, из рук в руки переходит.

Изиж годсек тудын (Ачинын) ушыштыжо, шӱмыштыжӧ «Кунам-гынат ужам!» манме ой коштын. Я. Ялкайн. С самого детства в уме, в сердце Ачина не исчезала мысль: «Когда-нибудь да увижу!»

Шордо вара коштеш – шошо кужун шуйна. Пале. Лоси поздно спариваются – весна долго протянется.

Мераҥ-влакын игышт шочын, январьыште пире-влак коштыныт. «Мар. ком.» У зайцев появились детёныши, в январе отгуляли волки.

Чевер ӱдыр улмо годым салтаквате дене кӧ коштеш? Муро. Если есть красивые девицы, кто же станет гулять с солдаткой?

Урем воктен кошташ шататься по улицам.

– Коштат!.. А тыйым кычалыт, – дежурный вудымата. В. Юксерн. – Бродишь где-то!.. А тебя ищут, – бормочет дежурный.

Кызыт оҥ кӱсенже (Колюшын) эреак оварен коштеш. В. Иванов. Ныне нагрудный карман Колюша всегда чем-то набит.

Ныл ий Галян шӱмжӧ тулла йӱлен кошто. М. Евсеева. Четыре года ныло, как от огня, сердце Галю.

Составные глаголы:

Идиоматические выражения:

Олмам кошташ сушить яблоки;

кошташ сакаш повесить (вывесить) сушить.

Кукшо ояр игече чыла пасум коштыш. П. Луков. Сухая погода иссушила все поля.

Куп кошташлан канаве кӱнчаш тӱҥалме. М. Шкетан. Чтобы осушить болото, начали рыть канаву.

Шонымыж дене теҥызым кошта. Калыкмут. Мыслью своей море осушит.

Колым кошташ вялить (сушить) рыбу.

Ойго кошта. Горе иссушает.

Тыйын шӱргым гын пагыт коштен. А. Тимиркаев. А лицо твоё время иссушило.

Идиоматические выражения:

Составные глаголы:

Кӱм кудалташ бросить камень;

мылам кӱзым кудалте брось мне нож.

Нал шукырак, кудалте торашкырак! Г. Чемеков. Бери больше, кидай дальше!

Павыл упшыжым теҥгылыш шроп кудалтыш. Т. Батырбаев. Павыл с шумом бросил свою шапку на скамейку.

Сравни с:

Шӱкым кудалташ выкинуть мусор;

оккӱлым кудалташ выбросить ненужное.

Тиде сукыр нерым ит коч, ит кудалте. Д. Орай. Эту краюшку хлеба не ешь, не выбрасывай.

Ялым кудалташ бросить деревню;

йӱмым кудалташ бросить пить.

(Зоя:) Айда ты ойлымынам кудалтена. А. Эрыкан. (Зоя:) Давайте оставим наш разговор.

А Оксина шкетын. Марийжат тудым кудалтен. П. Корнилов. А Оксина одна. И муж её бросил.

– Молан язык касарымашет уке? Молан юмым кудалтенат? – вурса поп. О. Тыныш. – Почему ты не отмаливаешь грехи свои? Почему ты от бога отказался? – ругает поп.

Шошым шордо тӱкыжым кудалта. П. Ефремов. Весной лось сбрасывает свои рога.

(Ӱдырамаш) ваче ӱмбач мучелажым кудалтыш. В. Иванов. Женщина сбросила со своих плеч коромысло с ведрами.

Тушман уло вийым мемнан ӱмбак кудалтен. В. Иванов. Враг все свои силы бросил на нас.

Вич ий жап тудым (эргычым) кеч пукшен ашнем, парыметым кудалтем. К. Исаков. По крайней мере, я твоего сына пять лет буду кормить, прощу твой долг.

Шкешт молын изи йоҥылышымат огыт кудалте. Сами-то другим и малую ошибку не прощают.

Совет власть – калык шӱй ӱмбач налогым кудалтен. М. Шкетан. Советская власть сбросила налоги с шеи народа.

Марий калыкат ӱмыр мучкыжо лӱдын илымыжым кудалтыш, шуко чытымыже кӱрльӧ. С. Чавайн. И марийский народ освободился от векового страха, лопнуло его долготерпение.

Кузьма шем кужу ӱпан вуйжым комдык кудалта, кӱшкӧ ончаш тӱҥалеш. И. Васильев. Кузьма откидывает голову назад, начинает смотреть вверх.

Прокоп тиддеч вара утларак шкенжым кудалтыш, шкенжым кучен кертдыме лие. «У вий» Прокоп после этого ещё больше опустился, стал несдержанным.

Сакарын ватыже таче кинде кудалташ кодын. «Мар. ӱдыр» Жена Сакара осталась сегодня ставить хлебы.

Лу гыч кумытым кудалтена – шымыт лиеш. Вычтем из десяти три – будет семь.

Кок слагаемыйым ушымым тергаш сумма гыч ик слагаемыйым кудалтат. «Арифметика» Чтобы проверить правильность сложения двух слагаемых, от полученной суммы вычитывают одно из слагаемых.

лӱдын кудалташ (неожиданно) испугаться;

кӱрышт кудалташ разорвать в клочья;

ӧрын кудалташ вдруг удивиться;

сырен кудалташ (неожиданно) обозлиться;

шыдешкен кудалташ (неожиданно) рассердиться;

пӱчкын кудалташ отпилить, отрезать.

Составные глаголы:

Идиоматические выражения:

Сола дене лупшалаш хлестнуть кнутом;

воштыр дене лупшалаш стегануть прутиком;

выньык дене лупшалаш хлестнуть веником.

Ачий ӱштыжым рудыш да кок-кум гана Пӧтыр ден Йываным лупшале. В. Сави. Отец отстегнул ремень и два-три раза стеганул Петра и Йывана.

Тулыкым пият почшо дене лупшалеш. Калыкмут. Сироту и собака хлестанёт хвостом.

Шугыньо дене лупшалаш ударить батогом;

кӱвар ӱмбак лупшалаш шлёпнуть об пол;

сер пелен лупшалаш ударить о берег.

– Ой, калтак, калтак! Кож пелен лупшалыныс, – кумылжо волен пелештыш Епи. М.-Азмекей. – Эх, жаль, жаль! Об ёлку ведь ударил, – упало настроение у Епи.

(Чопай:) Вара (нужым) сер пелен лупшальым. С. Николаев. (Чопай:) Потом я ударил щуку о берег.

Юл вӱд серым толкын эркын лупшалеш. С. Вишневский. Берега Волги тихо хлещет волна.

Пароход чаклана. Толкын южгунам пуш гоч лупшалеш. Я. Элексейн. Пароход приближается. Волна иногда хлестнёт через борта лодки.

Йӱр лупшале ударил дождь.

Лупшале волгенче чодырам. С. Вишневский. Ударила молния по лесу.

Почым лупшалаш махнуть хвостом;

флагым лупшалаш взмахнуть флажком;

шулдырым лупшалаш взмахнуть крылом.

Белов кидым лупшале, пытартыш мут деч кораҥе. С. Музуров. Белов махнул рукой, отказался от заключительного слова.

(Чайка-влак) кугу шулдырышт дене лупшалын, ӱлыкӧ волен каят. Г. Чемеков. Чайки, взмахнув большими крыльями, резко падают вниз.

Элнет таза, полмезе ыле – маскам кучен, лупшал кертеш. С. Вишневский. Элнет был здоровым, смелым – мог сбивать медведя с ног.

Илыш куш лупшалеш, тушко шӱдырнет. В. Дмитриев. Куда кинет жизнь, туда потянешься.

Ваче гоч лупшалаш закинуть через плечо;

вачӱмбак лупшалаш вскинуть на плечо;

пӱгым лупшалаш закидывать дугу (при запрягании лошади).

Макар Чачи деке мийыш, сывынжым кудашын, кашташке лупшале. С. Чавайн. Макар подошёл к Чачи, сняв её свадебный кафтан, забросил на перекладину.

Пеледышан кӱчык платьышт ӱмбак ош халатым лупшалыт. Ю. Артамонов. На короткие цветастые платья накидывают белые халаты.

Южгунам тудо кок шӱдӧ процентыш шукта, коклан кум шӱдышкат лупшалеш. Г. Ефруш. Иногда он доводит до двухсот процентов, временами хлестанёт и до трёхсот.

Составные глаголы:

Нечке койышан избалованный, капризный;

нечке ӱдыр изнеженная девочка;

нечке эрге избалованный мальчик.

Нечке эргыжым ава кум кашак миен кычкыра. О. Шабдар. Изнеженного сына мать будила три раза.

Нечке пеледыш хрупкий цветок;

капше нечке тело его хрупкое;

нечке ӱзгар хрупкая вещь.

– Ынде вуем пеш нечке лийын, ужат, – упшыжым упшалшыла, той гай вуйлепшым ниялта. Й. Осмин. – Видишь, голова моя стала какой слабой, – снимая шапку, он поглаживает своё бронзовое темя.

Сергей Иванович Валерик деке мийыш, нечке могыржым кучен ончыш. В. Иванов. Сергей Иванович подошёл к Валерику, пощупал его слабое тело.

Нунын (пушеҥге-влакын) нечке парчашт лум пызыралтме дене кок велыш тайненыт. А. Пасет. Хрупкие ветви деревьев свесились от тяжести снега.

Нечке сем нежная мелодия;

нечке чон нежная душа;

нечке мут нежное слово.

– Тый нечке йӱкет дене мемнам ит аҥырте! – Король кычкырал колтыш. В. Юксерн. – Ты не морочь нас своим нежным голосом! – крикнул Король.

Тудын чевер, нечке тӱсыштыжӧ шыргыжме йып палдырна. «Ончыко» На его красивом нежном лице появляется улыбка.

Мурыдаже пеш ойган, нечке муро. М. Шкетан. Песня ваша очень грустная, нежная песня.

Нечке-влак, вольнаш каенда! Мый денем шукак шортын огыда шинче. Я. Элексейн. Плаксы, вы распустились! У меня много не поплачете.

Идиоматические выражения:

Тистым нӧлталаш поднять знамя;

вуйым нӧлталаш поднять голову.

Шара шинчан йошкарармеец кидшым нӧлтале, вагонысо-влак чыланат шыпланышт. С. Чавайн. Сероглазый красноармеец поднял руку, сидевшие в вагоне притихли.

Пётр Иванович изи ӱдыржым кӱшкӧ, тувраш деке, нӧлтале. Г. Чемеков. Пётр Иванович поднял свою дочь высоко к потолку.

Упшым нӧлталаш приподнять шапку;

шыҥалыкым нӧлталаш приоткрыть полог;

оҥам нӧлталаш приподнять доску;

леведышым нӧлталаш приподнять крышку;

йолым нӧлталаш приподнять ногу.

– Поро кече лийже, Зинаида Васильевна! – Григорий Петрович картузшым нӧлтале. С. Чавайн. – Добрый день, Зинаида Васильевна! – Григорий Петрович приподнял картуз.

– Ончалза, – манын, старший лейтенант плащ-палаткым нӧлтале. В. Иванов. – Посмотрите, – старший лейтенант приподнял плащ-палатку.

Нелытым нӧлталаш поднять тяжесть;

кирым нӧлталаш поднять гирю;

штангым нӧлталаш поднять штангу.

Иван оҥа перроныш лектешат, корзинкам вачышкыже нӧлталын, вокзал деч тарвана. Я. Ялкайн. Иван выходит на дощатый перрон, и, подняв на плечо корзину, уходит от вокзала.

Тышке мом кычал толынат? Вет киркамат сайын нӧлтал от кертыс! Г. Чемеков. Зачем ты пришёл сюда? Ведь ты даже кирку поднять толком не можешь!

Пӧртышкӧ пурыш, кӱвар ӱмбалне кийыше письмам ужо. Нӧлтале, лудын лекте. Ю. Артамонов. Зашла в дом, на полу увидела письмо. Подняла, прочитала.

Трупкам (телефонын) нӧлталаш поднять трубку телефона;

омса тӱкылтышым нӧлталаш отворить щеколду.

Наганым пурла кидышкыже кучен, Микале паккӱзӧ дене чыҥгырым йыштак нӧлтале. В. Дмитриев. Взяв наган в правую руку, Микале ножиком тихонько снял крючок.

Стрельников телефон трупкам нӧлтале, но ыш звонитле, мӧҥгеш пыштыш. А. Асаев. Стрельников поднял телефонную трубку, но не стал звонить, положил обратно.

Мыйым, вийдымым да кылмышым, эркын нӧлталыт. Г. Чемеков. Меня, обессилевшего и замёрзшего, осторожно поднимают.

Мый мландыш шуҥгалтым, нӧлтальыч тый мыйым тунам. А. Бик. Я упал на землю, но ты поднял тогда меня.

Сравни с:

Шӱшам нӧлталаш поднять воротник;

упш пылышым нӧлталаш поднять шапку.

Уремыште шинчам почшаш гай огыл. Вася кугызаже семын пинчак согажым нӧлтале. Н. Лекайн. На улице – не открыть глаза. Вася, подражая своему дяде, поднял воротник пиджака.

Сравни с:

Корным нӧлталаш поднять дорогу;

пӧрт негызым нӧлталаш поднять фундамент дома;

саварым нӧлталаш поднять забор.

Айда пӧртетым эше кок йырлан нӧлталына, кӱкшырак лиеш. Давай поднимем дом ещё на два ряда, будет повыше.

Сравни с:

Кугу ойго калыкым йӧратен шичме верже гыч нӧлтале. Большая беда заставила подняться народ с насиженного места.

Мыйым таче пеш эр нӧлтальыч. Сегодня меня подняли (с постели) очень рано.

Сравни с:

Тувырым нӧлталаш задрать рубашку;

урвалтым нӧлталаш задрать подол.

Кенета тудо йолашеҥырашыжым нӧлталят, йолвургыжым ончыктыш. В. Косоротов. Вдруг он задрал штанину брюк и показал голени.

Лупшым нӧлталаш поднять нагайку;

кӱзым нӧлталаш вознести нож;

товарым нӧлталаш поднять топор;

мушкындым нӧлталаш поднять кулак.

– Пыштыза пычалдам! – патыр капан кӱртньӧ кольчуган йыгыт кошар умдыжым нӧлтале. К. Васин. – Сложите ружья! – поднял острое копьё здоровый парень в железной кольчуге.

Пуракым нӧлталаш вздымать пыль;

мландым нӧлталаш вздымать землю.

Катер, изирак толкыным нӧлталын, верже гыч тарваныш. В. Исенеков. Катер, вздымая небольшие волны, тронулся с места.

Савораште кукшо оргаж гына пудешт-пудешт йӱла, коклан тулмеҥгым нӧлталеш. А. Краснопёров. В костре с треском горит сухой хворост, иногда вздымается столб огня.

Мераҥым нӧлталаш поднять зайца;

маскам нӧлталаш поднять медведя.

Чодыраш пурен шуна веле, пийна мераҥым нӧлтале. Только зашли в лес, тут же собака подняла зайца.

Кемшулышым нӧлталаш подтянуть голенище;

шылымбалым нӧлталаш подтянуть чересседельник.

Тудо ик мут пелештыде, шылымбалым нӧлтале, омыта йымаке кидшым чыкен ончале. В. Иванов. Не сказав ни слова, он подтянул чересседельник и, засунув руку, проверил хомут.

Пычалым нӧлталаш направить ружьё;

револьверым нӧлталаш поднять револьвер;

шинчам нӧлталаш направить глаза.

Тудо, шоныде куржын миен, Лашманов ӱмбак автоматшым нӧлтале. Н. Лекайн. Ни о чём не думая, он прибежал и направил автомат на Лашманова.

Пел шинчан немыч арбалетшым татар сарзе ӱмбак нӧлтале. К. Васин. Одноглазый немец направил свой арбалет на татарского воина.

Сравни с:

Дисциплиным нӧлталаш поднять дисциплину;

культурым нӧлталаш повысить культуру;

пашадарым нӧлталаш увеличить зарплату;

акым нӧлталаш повысить цену.

«Звезда» колхоз теният уржа лектышым ятырлан нӧлталеш. А. Волков. Колхоз «Звезда» и в этом году значительно повысит урожайность ржи.

Мый шке верчем огыл, эн чотшо тендан верч ойгырем. Тендан чапдам нӧлталнем. Н. Лекайн. Больше всего я беспокоюсь не за себя, а за вас. Хочу прославить вас.

Сравни с:

Кумылым нӧлталаш поднять настроение;

чоным нӧлталаш поднять дух;

калыкым нӧлталаш воодушевить народ.

Театр кеч-могай ялыш мия гынат, калыкын кумылжым нӧлталеш. М. Шкетан. В какую бы деревню ни приехал театр, поднимает настроение народа.

Шӱмбел партий, йӧратыме эл рвезе тукымым у пашаш нӧлталыт, онар патырыш савырат. П. Корнилов. Родная партия, любимая страна вдохновили молодое поколение на новые дела, превратили в сказочного богатыря.

Сравни с:

Пудыранчыкым нӧлталаш поднять смуту;

тумасам нӧлталаш затеять ссору;

восстанийым нӧлталаш поднять восстание.

Тудо качын кайымыж годым шургымашым нӧлталаш шонен ыле. Н. Лекайн. Во время отъезда жениха он хотел поднять шум.

Гариф мурза-влак ваштареш пудыранчыкым нӧлталаш тӧчен улмаш. К. Васин. Гариф пытался поднять смуту против мурз.

Сравни с:

Озанлыкым нӧлталаш поднять хозяйство;

илышым нӧлталаш наладить жизнь.

Чодыра паша шолдыргышо озанлыкым чот нӧлтал колтен кертеш. С. Чавайн. Лесоразработки могут сильно поднять наше расшатанное хозяйство.

Посна лекмек, илышыжым утларак нӧлтале. М. Евсеева. После того, как он отделился, лучше наладил свою жизнь.

Йодышым нӧлталаш поставить вопрос;

проблемым нӧлталаш поднять проблему;

архивым нӧлталаш поднять архив;

материалым нӧлталаш поднять материал;

делам нӧлталаш возбудить дело.

Сложный мутым возымо нерген дискуссийым почмыж дене журнал, чынак, кӱлешан пашам нӧлталын. «Ончыко» Открыв дискуссию о правописании сложных слов, журнал начал действительно важное дело.

Самырык автор-влак почеламутыштышт тӱрлӧ темым нӧлталыт. «Мар. ком.» Молодые авторы в своих стихотворениях поднимают разные темы.

Сравни с:

Чаркам нӧлталаш выпить рюмку;

тостым нӧлталаш провозгласить тост.

Стаканыш чевер «эмым» темышна. Тостым нӧлтална. Г. Чемеков. В стаканы налили красное «лекарство». Подняли тост.

Мемнан задачына – шкенан марий калыкым нӧлталаш. Н. Лекайн. Наша задача – поднять свой марийский народ.

Сӧремым нӧлталаш поднять целину;

такырым нӧлталаш поднять пар.

Тений мемнан колхоз лу гектар сӧремым нӧлтале. Нынче наш колхоз поднял десять гектаров целины.

Составные глаголы:

Идиоматические выражения:

Вуй комдо гай лийын, чот пеҥыжалтеш. Голова, словно чугунная, сильно раскалывается.

Сравни с:

Мирон, кыдалжым кучен, пеҥыжалтыш. П. Корнилов. Мирон, схватившись за поясницу, простонал.

Вара кугыза кынел шогалеш, йӧсын пеҥыжалтен, коҥгамбак кӱза. Ю. Артамонов. Затем старик встаёт, тяжко прокряхтев, залезает на печку.

– Эх, ораде вуй! – кок кидше дене вуйжым ишен, пеҥыжалтыш Ведат. З. Каткова. – Эх, глупая голова! – схватив двумя руками голову, простонал Ведат.

– Кондыза тышке ачажым! – пуй кокла гыч пеҥгыдын пеҥыжалтыш земский. Н. Лекайн. – Приведите сюда его отца! – строго процедил сквозь зубы земский.

Сравни с:

Составные глаголы:

Тер сал кресла саней.

Имньывуй пурла салыш эҥертен шинчын. Д. Орай. Возница сидит, упёршись в правое кресло саней.

(Тимош) мален колташ огыл манын, орва салым кучен ошкылеш. В. Любимов. Чтобы не заснуть, Тимош шагает, взявшись за кресла телеги.

Теркупш сал поля шляпы;

ломыжате сал края пепельницы.

Куэ воктек тайнем. С. Вишневский. Наклоняюсь к березе.

Кориш кузов гыч шофёр дек тайныш. М. Иванов. Кориш с кузова наклонился к шофёру.

Лотай, шогам кучен, куралаш тӧча. Ик век тайна, вес век тайна. Я. Элексейн. Лотай, держась за соху, пытается пахать. То в одну сторону пошатнётся, то в другую.

Пеле шӱйшӧ пӧрт ик ӧрдыжыш, ер векыла, тайнен. М. Шкетан. Полусгнивший дом покосился в одну сторону, к озеру.

Шукыштын пакча пече мардеж дене тайнен. О. Шабдар. У многих изгороди огородов покосились от ветра.

Игече шыже век тайнен. Погода склонилась к осени.

Жап кас велыш тайна. К. Васин. Время клонится к вечеру.

Тура кечывал эрта, кече тайна, пушеҥге ӱмыл шуйна. В. Иванов. Проходит полдень, солнце клонится (к закату), тени деревьев становятся длиннее.

(Шикш) нигушкат ок тайне. С. Чавайн. Дым никуда не отклоняется.

Ужыда, Коркашӱдыр куш тайнен? А.Волков. Видите, куда переместилась Большая Медведица?

Шукыштын кумылышт электричество могырыш тайна. В. Юксерн. У многих настроение склоняется к идее электрификации.

Ачана-авана, кочана-кована куш шӱкалыт, тушко тайнена. М. Шкетан. К чему нас родители, деды-бабушки подтолкнут, к тому и склоняемся.

Поро дек тайнаш тянуться к добру.

Эркын-эркын йоча ава велыш тайнен. П. Корнилов. Постепенно ребёнок стал тянуться к матери.

Составные глаголы: